Nace a.. "asociación cultural pedraghullo"

Esta é unha asociación sen ánimo de lucro que foi fundada o 20 de novembro do 2011 por un grupo de moz@s (a maioría de Vincios, pero tamén de Gondomar, Nigrán, Baiona e Vigo) que decidimos unirnos e organizarnos para poder levar a cabo determinadas actividades socioculturais que botamos de menos na nosa comarca, o Val Miñor.  Todo partiu de dous sucesos principais, que foron os motivadores. Por un lado a loita contra a construcción dun parque eólico na serra do galiñeiro e por outro a celebración do primeiro festival de Rock de Vincios (GALIÑEIROCK). Estes feitos fixéronnos cavilar en todos os  elementos patrimoniais que albergamos na comarca e no noso deber como cidadáns de protexelos e conservalos, e por outra banda, cremos que precisamos unha axenda de lecer máis sustanciosa da que gozamos a día de hoxe. Por todo elo, a nosa intención é colaborar cas administracións públicas, asociacións e porsuposto cos nosos conveciños, orientados a levar a cabo diversas actividades de concienciación cidadá e ocio. Partimos de cero, pero a ilusión e gañas que temos por mellorar o noso ámbito sociocultural, son  moi poderosas, pero para conseguilo precisaremos de toda a cooperación e tolerancia posible, e sobre todo, ansiamos contar ca mocidade miñorana. 


Esta asociación traballará no ámbito da comarca do Val Miñor, pero como todos os comezos son compricados, emprenderemos a nosa aventura na parroquia de Vincios xa que a maioría dos socios fundadores somos nados alí. Nin que dicir queda que o Galiñeirock pretendemos que traspase fronteiras, todo se andará...


Na sección "MISIÓNS" veredes o que andamos argallando e o que pretendemos alcanzar.

XUNTOS IMOS A FACER HISTORIA...¡VIVAMOS COMO MIÑORANOS!